Dag 2 in die hospitaal

Dag twee het die kinders lekker kom kuier by Clarissa. Jean-Pierre was daardie dag baie siek gewees. Ons vermoed hy het gastro gehad, maar gelukkig het dit darem die volgende dag al bietjie beter gegaan. Hy is so trots op sy nuwe sussie, hy kom gesels ook kort-kort met haar.

Kayla is net so trots op die klein bondeltjie. Sy het tydens my swangerskap net die heeltyd gesê dat sy nooit haar "nappies" gaan omruil nie, en sy wou gisteraand self Clarissa se doek omgeruil het en sy het ook. Wys jou net "Never say never" :-)

Hier lê sy rustig en slaap op my skouer. Die eerste paar daggies het sy omtrent net geslaap en bitter min melk gedrink, sy sou langer as 6 - 8 ure wag voordat sy weer gedrink het. Nou drink sy darem meer gereeld.