Edrich se 3de verjaarsdag partytjie

Dit was 14 November Edrich se derde verjaarsdag.  Ons het sy "Spiderman" partytjie by "Imagine a Party" gehou.  Die kinders het dit ongelooflik baie geniet en daar was baie aktiwiteite waarmee hulle hulself mee kon besig hou.  Dit was 'n baie warm somersdag en die perfekte dag vir 'n partytjie.

Tannie Beatrix kom groet vir Jean-Pierre.

Jean-Pierre het lekker op die karretjie en spoor gery.

Corrie kyk mooi na die kinders.

Zanke en Kayla by die partytjie tafel.

Zanke het lekker partytjie gehou en sy was mal oor haar lekkergoed armband.

Yannis het net so lekker partytjie gehou en ek weet nie of hy of Beatrix die taaiste was van al die lekkers nie, maar dit was dit werd.

Hier is ek by Zanke en Kayla en Jean-Pierre is ook in die foto.  Hulle het lekker gespeel.

Kayla en Edrich ry te lekker op die trekker.  Edrich is al agter Kayla aan.  Dit is te oulik!

Tannie Beatrix hou so bietjie vir Clarissa vas.

Edrich was baie bly toe Kayla by die partytjie aangekom het.

Jean-Pierre wys my hoe sy Spiderman-masker lyk.

Foto sessie...

Ons het vandag 'n paar fotos geneem van die kinders.  Dit is een maand voor Kayla se 9de verjaarsdag.  Jean-Pierre sal 5 jaar oud wees in Februarie en Clarissa is nou 4 1/2 maande oud.  Clarissa wou natuurlik niks weet van lag vir die kamera nie, maar ons het darem op die ouend so paar oulike fotos van almal ingekry. 

Naam Betekenisse

Ek het sommer so bietjie gaan ou fotos soek van die 3 Lottertjies en hulle naam betekenisse gaan opsoek. Toe besluit ek om dit sommer op die blog te sit.

Buffelspoort

Ons was die laaste naweek van die kort Oktober vakansie Buffelspoort toe. Die kinders het dit ongelooflik baie geniet. Die weer het ook lekker saam gespeel en almal het so bietjie verbrand in die son.

Kayla kon nie wag om by die waterglybaan af te gaan nie. Dit was haar hoogtepunt van die naweek. Sy het baie vinnig maatjies gemaak en sommer lekker saam met hulle geswem. Sy het amper nooit eers uit die swembad uit geklim nie.

Jean-Pierre het so bietjie tyd nodig gehad om eers gewoond te raak aan die water, maar hy het sommer gou begin in spring en sommer wild geraak in die water.

Dit was Clarissa se eerste keer in ‘n swembad en sy het so ontspan in die water. Die eerste keer in die swembad was sy sommer binne die eerste 5 minute vas aan die slaap.

Dit was regtig ‘n heerlike naweek en ek dink ons moet sommer gou weer die kinders soontoe vat vir ‘n kort vakansie.

Clarissa se Toewyding

Sondag, 27 September, was dit Clarissa en Zian se toewyding. Hier is so paar fotos wat ons geneem het na die diens. Ons wou eintlik nog fotos geneem het, maar toe ons ons oë uitvee, was die dag alweer verby. Ons sal later ’n formele fotosessie moet hou waar ons die twee gesinnetjies en die kleintjies saam afneem.

Al die kinders!

Ons het vandag so paar fototjies geneem van al die “kinders” in die huis. Dit is nou die mense kinders en die honde kinders in die huis. Die mense kinders was so bietjie vuil van die dag se speel, en die honde kinders was weer skoner as gewoonlik aangesien hulle gister by die Doggy Parlour was.

Die honde het goed aangepas met Clarissa wat nou baie aandag kry. Zorro is regtig baie lief vir Clarissa en wil heeltyd aan haar ruik en sal sommer haar gesig skoon lek as hy die kans kry. Gemma is ook glad nie meer bang vir Clarissa nie en wil ook nou die heeltyd aan haar ruik en as Clarissa begin huil wil Gemma hê ek moet sommer dadelik gaan kyk wat fout is.

Corrie het ook so paar fotos geneem waar Kayla en Jean-Pierre op die trampoline speel. Die fotos het heel interessant uitgekom.

Clarissa sal Saterdag 3 maande oud wees, en Sondag is dit haar toewyding. Volgende week sal ek die toewyding fotos op die blog sit.

Kayla se Entrepreneursdag - 2009

Vrydag, 4 September, was nie net Kayla se Entrepreneursdag nie, maar ook Loslitdag.

Natuurlik het Corrie weer besluit om die mense te vermaak met Loslitdag en hy het besluit die keer is dit die motoriste wie se dag gemaak moet word oppad werk toe. Hy het homself en sy bike bietjie “versier”.

Kayla se Entrepreneursdag het baie goed afgeloop. Sy het pannekoeke, Mariekoekies met marsmallows, melkterte en inspuitings met kondensmelk verkoop. Sy het al haar eetgoed verkoop behalwe vir ‘n paar Mariekoekies. Ek kon nie glo dat sy al haar eetgoed verkoop het nie, ek het regtig vir haar part gehoop dat dit suksesvol gaan wees en toe was dit. Ek is ongelooflik bly vir haar part.

Ouma Adri en Oupa Gert het al vroeg oggend begin om pannekoek te bak by die skool. Dit was nogals 'n uitdaging omdat die wind die heeltyd die vlammetjies weggewaai het en die ry vir die pannekoek het sommer baie vinnig lank geword.

Oom Danie het ook oppad werk toe gou hier 'n draai gemaak om Kayla se stalletjie te kom ondersteun.

Tannie Beatrix en Ouma Sarie het heerlike melkterte gebak. Oupa Hannes het weereens sy kreatiewe sy hier bemeester en spesiaal 'n rooimier met die sif ontwerp om te pas by die skool se "rooimiere".

Die kinders geniet die Entrepreneursdag vreeslik baie.